गजल

उस्तै लाग्छ आसुँ हो कि झरी थाहा हुँदैन

मेरो जस्तै चोट उस्लाई नपरी थाहा हुँदैन

एकछाकले बच्चो बाँच्छ जान्दछिन् उनी

आमालाई नसोध नाना थरी थाहा हुँदैन

यता पनि ठिक्क पार्छौ ,उता पनि ठिक्क

नसम्झ मलाई हजुरको लैबरी थाहा हुँदैन

को कंस, को कृष्ण, छुट्याउन्नै पर्छ भने

जवानीमा सानो गल्ति नगरी थाहा हुँदैन

संघर्ष कस्तो हुन्छ बाटामा सुत्नेलाई सोध

कस्ले दिन्छ उस्लाई पेट भरी थाहा हुँदैन ॥